2013/9/20

翻過第一座山峰:日月山

第二日起身湟源落住毛毛細雨,早餐係黑米粥同油炸鬼,出奇地比香港好食!咪咪麼麼好晏先出發。一出湟源就係上坡,落雨加上車後面的馱包,大家有d吃力,路過修車站既時候忠銀就一馬當先衝左去食晏了。

老闆好好人,等食既時候同我地簡介左後面既路段,亦叮囑我地萬事小心,有咩事記得跳車,因為早兩日前面有交通意外。回想起來,老闆亦道出左一樣我地plan路線時睇小左既野就係高山…

未出發前我地睇路線時一路都係一點去一點,途中有d小山可能連地圖都冇標高而漏左,當我地以為2000m去2000m係平路既時候,咁就中招喇!日月山就係其中一個,當日我地由湟源出發,原本預計是直接踩到青海湖的(85km),但是連續的上坡對我地新手黎講是相當吃力的,加上整日落雨,我們入黑的時候才走了50k,本來想直入青海湖既我都決定在倒淌河休息下來。

這一天大家都好累,累到食飯時候都冇野講,我地真係tm的累透了。

要注意的另一件事就係西藏路上未必間間旅館都有熱水沖涼的,登記時記得要問清楚。這一晚我地係用熱水壺煲水沖涼的…

湟源出發時已經要準備雨具


很好人的老闆,嚇到我半死練定跳車

當日最好食的麵,湯暖到入心

無止景的暗斜

冇燈既隧道,嚇到半死

避雨遇上好客的村民邀請我地入去坐飲杯熱茶,趕路只好宛拒了

日月山灣道遇上的背包客,徙步走去青海湖


心情不好,不敢惹我的忠銀拍的

上到山頂見到黃色的指示牌,原來上了十七公里山

山上影左本日最後一張相,往後連相機都冇拎出來

兩個轆去西藏的Facebook專頁: